Vidralak 53 milioi euroko inbertsioa egin du Brasilen, Laudion 90 enplegu suntsitzeko asmoa iragarri eta gutxira

Aitor Aspuru Saez 2023ko otsailaren 14a

Aretan kokatuta dago Aiala Vidrio enpresa./ Aiaraldea

Vidrala enpresak Vidroporto enpresa brasildarraren ia %30 erosi du eta konpainia guztia bereganatzea aurreikusi du. Otsailaren hasieran, ordea, sindikatuei jakinarazi zien Laudioko Aiala Vidrioko lantegian 90 behargin gutxiago nahi dituela 2025erako.

Vidrala enpresak pasa den astean jakinarazi zion Balore Merkatuaren Batzorde Nazionalari 53 milioi euroko inbertsioa egin duela Brasilen, Vidroporto konpainiaren %29,36 erosteko.

Multinazioanalaren asmoa da enpresako kapital osoa bereganatzea, bere jabetzari lotutako zenbait epaiketa amaitzean. Berez, egitasmo horrekin Hego Ameriketako merkatuan plataforma izan nahi du beira ekoizten duen taldeak.

Azkenaldian bere presentzia zabaltzeko mugimendu gehiago egin ditu Carlos Delclauxen korporazioak. Hain zuzen, iaz 34 milioi euro gastatuta, botilatzeko faktoria erosi zuen Ingalaterran, Bristolen.

Bitartean, inbertsioek ez dute islarik izan Aiaraldean. Guztiz kontrakoa. Otsailaren hasieran zuzendaritzak adierazi zien Aiala Vidrioko sindikatuei aurrera egingo duela bere asmoarekin eta 2025ean 90 behargin gutxiagorekin funtzionatzeko plana aurkeztuko diela laster. Printzipioz, kaleratze traumatikorik ez du aurreikusten konpainiak.

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide