Tubacex enpresak atzo jakinarazi zuen 70 milioi euroko kontratua eskuratu duela. Aker Solutions Norvegiako transnazionalak erosiko dizkio 1.000 kilometroko luzera izango dituzten hodiak eta Iparraldeko Itsasoan baliatuko dituzte erregaiak ateratzeko.
Tubacexek zenbait hedabidetan azaldu duenez, kontratuak lan zama ekarriko du Austria eta Aiaraldeko lantegietara 2023an eta 2024an eta, antza, Laudioko ingeniariak norvegiarrekin egon izan dira elkarlanean proiektua prestatzen.
Gogoratu beharra dago Tubacex enpresan zortzi hilabeteko greba egon zela 2021ean, konpainiak 100 langile baino gehiago kaleratu nahi zituelako. Galera estrukturalak argudiatu zituen multinazionalak horretarako, baina COVID-19 birusaren pandemia amaituta, bere mozkinak biderkatu dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
