Berlinale zinema jaialdian mugarri historikoa jarri ostean, Esti Urresolak modu arrakastatsuan jarraitu du '20.000 especies de abejas' filmaren ibilbidea.
Urrezko Biznaga jaso du Esti Urresolaren '20.000 especies de abejas' lanak Malagako festibalean
Izan ere, Malagako zinema festibaleko egitasmoaren antolakuntzak gaur jakinarazi du Esti Urresolaren pelikulak film onenaren saria lortu duela. Urrezko Biznaga horrek alde ekonomikoa dauka: 8.000 euro.
Edonola ere, proiektua bere osotasunean aitortu ez ezik, Patricia Lopez Arnaiz antzezlearen lana ere goraipatu dute, aktore-multzo onenaren saria emanda.
Aipatu beharra dago Estibaliz Urresolaren pelikulak zinema industriako izen garrantzitsuekin lehiatu dela jaialdi honetan, Gerardo Herrerorekin, besteak beste.
Apirilean estreinatuko da '20.000 especies de abejas' eta jadanik hiru sari merezi izan ditu, baina horrez gain, gogoratu beharra da 'Cuerdas' filmari esker Goya Sarietan aritu zela ere Urresola.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
