Erabaki salomonikoa hartu du Hong Kongeko zinema jaialdiak Esti Urresolaren filmearekin

Aitor Aspuru Saez 2023ko apirilaren 13a
Deskargatu Info Ahotsak :

Martxoaren amaieran eta apirilaren hasieran izan da Hong Kongeko jaialdia. / Hong Kong International Film Festival

Hong Kong International Film Festivaleko 47. edizioan 20.000 especies de abejas pelikulako emakume antzezle guztiak aitortu dituzte Young Cinema Competition atalean.

Hurrengo astean, apirilaren 21ean, estreinatuko dute 20.000 especies de abejas pelikula zinema aretoetan. Bien bitartean, Estibaliz Urresola zuzendari laudioarraren film luzeak bere palmaresa handitzen dihardu.

Hain zuzen, Hong Kong International Film Festivaleko epaimahaiak ohiko arauak aldatu eta emakume antzezle bakarraren lana aitortu ordez, pelikulako aktore guztiak saritu ditu.

Izan ere, Urresolaren lanak hiru belaunaldi ezberdinetako emakumezkoen ardurak eta bizipenak erakusten ditu eta Young Cinema Competition ataleko epaiek guztiak aitortu dituzte.

Gogoratu beharra dago Berlinale Zinemaldian Zilarrezko Hartza irabazi zuela Sofia Otero gazteak eta Malagan, aldiz, Patricia Lopez Arnaiz izan zela goraipatua. Horrez gain, Andaluziako jaialdi ospetsuan Film Onenaren saria eraman zuen 20.000 especies de abejas-ek.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide