Gaur eguerdian iragarri du Omniak EH Bildu babestuko duela larunbatean udal gobernu taldea osatzeko eta EH Bilduk prentsa oharra zabaldu du akordioa berresteko.
Ainize Gastaka buru duen taldeak honakoa adierazi du: "akordio honen hezurdura herritarren parte hartzean oinarrituko da, udal egituratan benetan ordezkatuta sentitu daitezen eta bertan aurrera aterako diren akordioak erabat legitimitatu ditzaten".
"Proiektu hori gauzatzeko konfiantzan eta elkarlanean sustatutako gobernu taldea eratzeko proiektua eraikitzera goaz Omnia eta EH Bildu artean, eta akordioaren ardatz hau udal bilkurako gainerako partaideekin eta herritar guztiekin partekatzeko lanean jarri gara dagoeneko", ziurtatu du EH Bilduk.
Koalizioak eskerrak eman dizkie gobernu aldaketa ahalbidetu duten herritar guztiei, atzo Omniako batzarrean euren proiektuaren alde egin zutenei barne.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
