Kulturlaben lokalean egon zen sortzaile laudioarra ostiral arratsaldean eta Orbeko Etxean, aldiz, larunbat eguerdian.
Bere lehen liburua aurkezten igaro du asteburua Iñigo Martinezek. Dantzari eta aktore laudioarrak Una quimera de vida eleberria plazaratu berri du, eta bi aldiz aurkeztu du dagoeneko Laudion. Ostiral arratsaldean Kulturlabek berriki irekitako lokalean egon zen Martinez, dozenaka bizilagunen artean. Biharamunean, aldiz, Orbeko Etxean egin zuen aurkezpena, etxe okupatuaren 22. urteurreneko egitarauaren barruan.
Martinezek azaldu duenez, fikziozko istorio bat kontatzen du liburuak, baina bere bizipen pertsonaletan oinarrituta dago, 'kristalezko hezurren gaixotasuna' duen gazte bat baita protagonista. Sortzaile laudioarrak aurreratu du beste hainbat aurkezpen egin nahi dituela aurten. Izan ere, bere kabuz ekoitzi du liburua eta, ondorioz, aurkezpenetan zuzenean saltzen ditu aleak. Hala ere, Zuhaitza liburu-dendan ere badago salgai.
Argazkiak: Miguel Brizuela eta Orbeko Etxea
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide