Victor Urquijo omendu du Athletic Clubak, gaur Alavesen aurka jokatuko dutela baliatuta

Aitor Aspuru Saez 2023ko irailaren 22a
Deskargatu Info Ahotsak :

Bideoaren irudia. / Athletic Club

Laudioarrak bi klubetan jokatu zuen eta hori aitzakiatzat hartu du Ibaiganeko taldeak bideoa osatzeko bere adierazpenekin.

Gaur Mendizorrozako futbol zelaian topo egingo dute Alaves eta Athletic Clubeko jokalariek EA Sports Ligako 6. jardunaldiko norgehiagokan, eta euskal derbiak eragina izan du Victor Urquijorengan.

Izan ere, Laudioko futbolari profesional ohia bi klubetan aritu zen eta Athletic Clubak kointzidentzia hori baliatu du Urquijo omentzeko.

Gauzak horrela, sare sozialetan bideoa argitaratu du klubak, zeinean Victor Urquijo Lamuza Parkean agertzen den bere kirol ibilbidea gogoratzen.

Ezagututako taldeak, berarekin jokatutako kide enblematikoak (Iribar, adibidez), bere joko ezaugarriak... Urquijok berak azaltzen du ikus-entzunezko pieza horretan oso gustura ibili zela Alavesen denboraldi batez.

Umorez eta familiaz inguratuta partekatu zituen Urquijok bere oroitzapenak eta duela bi hilabete jasotako omenaldia ere.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide