Autoglas-Glavistako Enplegua Erregulatzeko Espedientearen kontsultaldia behin behinean eten dute, Autoglas eta Guardianen papera zein izango den zehaztu arte

Txabi Alvarado Bañares 2023ko urr. 17a, 19:41
Deskargatu Info Ahotsak :

Autoglas-Glavistako langileak, itxialdiaren ostean eginiko mobilizazioan. / Aiaraldea.eus

Autoglas zein Guardianen ordezkariek kontsultaldian parte hartzea eskatu dio ELAk hartzekodunen aurrelehiaketako epaileari. 

Behin behinean eten dute Autoglas-Glavistako Enplegua Erregulatzeko Espedientearen kontsultaldi epea, ELAk jakinarazi duenez. Sindikatuak eskaera bat egin zion enpresaren hartzekodunen aurrelehiaketa daraman epaileari: Autoglaseko ordezkariak (Parter Capital inbertsio funts suitzarra) eta Guardian multinazionalak espedientearen negoziazioan parte hartzea, “enpresa taldea eratu dezaketela” argudiatuta. Izan ere, enpresetako bat bera ere ez zen aurkeztu kontsultaldiko lehen bilerara. 

“Epaileak informazio gehiago eskatu dio sindikatuari, erabaki bat hartzeko, eta kontsultaldia bertan behera utzi du bien bitartean”, azaldu du Autoglas-Glavistako ELAko sail sindikalak. Gaineratu duenez, sindikatuak atzo bertan entregatu zuen gaiaren inguruan duen dokumentazioa.

Bihar, Legebiltzarrera

Bien bitartean, Autoglas-Glavistako langileek mobilizatzen jarraitzen dute, eta Gasteizera joko dute bertan. Bi elkarretaratze egingo dituzte. Lehena Eusko Jaurlaritzaren aurrean, 10:30etatik 10:45etara, eta bigarrena 11:30etatik 12:30etara, Legebiltzarraren parean.

Ekonomia Laudio
Erlazionatuak
Autoglas-Glavista: Desjabetzea da soluzioa?
Autoglas-Glavista: Desjabetzea da soluzioa?

Txabi Alvarado Bañares 2023 urr 17 Laudio

Zenbat jabetza ditu Guardianek eta zergatik ez ditu saldu nahi?
Zenbat jabetza ditu Guardianek eta zergatik ez ditu saldu nahi?

Txabi Alvarado Bañares 2023 urr 16 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide