"Kalabazak" eman dizkiote gaur egungo zaintza sistemari, greba feminista orokorraren deialdia zabaltzeko

Txabi Alvarado Bañares 2023ko urriaren 31
Deskargatu Info Ahotsak :

Kalejira egin du Laudioko Mugimendu Feministak herrian barrena, Arimen Gaueko ospakizunak eta giroa baliatuta. 

Arimen Gaueko ospakizunak eta giroa baliatu ditu Laudioko Mugimendu Feministak azaroaren 30erako deitua dagoen greba feminista orokorraren deialdia zabaltzeko. Dozenaka lagun bildu dira gaur iluntzean eginiko kalejiran. Anbulatorioaren paretik abiatu dira, eta zaintzari lotutako beste bi gune bisitatu dituzte: Matxintxu Haurreskola eta San Roke nagusien egoitza. 

Modu horretan, "kalabazak" eman nahi izan dizkiote egungo zaintza sistemari. Pankarta bana eta aldarri zehatzak itsatsi dituzte gune bakoitzean, zaintza sistema publiko komunitarioaren aldarriak oihukatu bitartean. Gainera, aldarriak danbor hotsekin nahastu dira ibilbidearen zati batzuetan, Aiarako batukada feministako kideen eskutik. 

Argazkiak: Laudioko Mugimendu Feminista eta Txabi Alvarado Bañares

Kultura Laudio
Erlazionatuak
Azaroaren 30eko grebari begirako Herri akordioa plazaratu du Aiaraldeko Mugimendu Feministak
Azaroaren 30eko grebari begirako Herri akordioa plazaratu du Aiaraldeko Mugimendu Feministak

Txabi Alvarado Bañares 2023 urr 31 Aiaraldea

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide