Aiala Vidrio enpresan bizia izaten ari da urte amaiera. Izan ere, zuzendaritzak mahai gainean jarri zituen azaroaren amaieran bere proposamenak 90 langile kaleratzeko modu ez traumatikoan. Hain zuzen, euren asmoa da helburua 2025ean betetzea.
Geroztik, sindikatuek azaldu dutenez, 57 urtetik gorako 30 beharginek, gutxi gorabehera, onartu dute konpainia uztea zenbait pizgarriren bidez. Zehazki, enpresa harremanetan jarri zen 40 langilerekin eta %80ak bat egin du kaleratzeekin. Bik ezezko borobila eman dute eta beste batzuek oraindik ez dute erantzun.
Horiei gehitu behar zaie aurretik beste hamar batek adostu zutela lan harremana etetea.
Berez, Aiala Vidriok ez du sindikatuen babesik 90 kaleratze horiek egiteko, hauek ez baitaude ados enplegu suntsiketarekin. Gauzak horrela, lanean jarraituko duten beharginen lan baldintzak negoziatzen ari dira beharginen ordezkariak zuzendaritzarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
