Usansoloko Ospitalera joateko autobus zerbitzu zuzenaren aldarria Laudioko Udaletxeko balkoian jarri dute pentsiodunek

Txabi Alvarado Bañares 2024ko urtarrilaren 8a
Deskargatu Info Ahotsak :

Duela urtebete abiatu zuten zerbitzu hori eskatzeko dinamika. 

Gaur egin dute Laudioko pentsiodunek aurtengo lehen elkarretaratzea. Astelehen guztietako dinamika jarraitu dute oraingoan ere: Herriko plazan bildu dira ordu erdiz, pentsio duinen aldeko aldarria zabaltzeko. Baina ez dira horretara mugatu. Udaletxera jo dute protestaren amaieran, Usansoloko Ospitalera joateko autobusaren aldarria eraikineko balkoi nagusian jartzeko.

Duela urtebete ekin zioten Aiaraldeko pentsiodunek osasun zentrora joateko autobus zerbitzu zuzena eskatzeari, orain dagoen autobusak ibilbide luzeegia duela iritzita. Sinadura bilketa abiatu zuten, mozioak aurkeztu zituzten eskualdeko hainbat udalerrietan eta beste hainbat talde politiko eta eragilek egin dute bat euren aldarriarekin. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide