Iazko emaitza oparoen segida luzea apur bat okertu du Tubacexek 2024ko lehen hiruhilekoan. 186,5 milioi eurotan baloratutako salmentak egin ditu, eta 4,8 milioi euroko irabaziak lortu ditu, zergak kendu gabe.
Emaitza positiboa izan arren, kontuan hartu behar da multinazionalak askoz emaitza oparoagoak lortu zituela aurreko hilabeteetan. Gauzak hala, bere gorazko joera etengabea makaldu du enpresa-taldeak.
Hala ere, etorkizun oparoa du konpainiak, marka guztiak hautsi baititu pilatutako eskaeren-zorroan. Zehazki, 1.600 milioi eurotan baloratutako eskaerak ditu egiteke. Enpresa taldeak berak adierazi du proiektu garrantzitsu ugari hurrengo hiruhilekoetan egin eta fakturatuko dituela.
Gauzak hala, "aurreikuspen onak" ditu Tubacexek 2024rako, hiruhilekoetako emaitzak "progresiboki hobetzen" joango direla uste baitu. Horri lotuta, enpresak ziurtatu du bere unitate guztiek dituztela joera positiboak "epe luzera" begira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
