Gaur 13:00ean aukeztu dute Laudion Emakume* Abertzaleon X. Topaketa eskualdeko kideen artean. Berez, jardunaldia azaroaren 16an izango da Laudion eta lau gune hartuko dituzte: kiroldegia goizean eztabaidetarako, institutua eguerdian bazkaltzeko, plaza arratsaldeko ekitaldian eta Faktoria gauean aisialdirako.
Antolatzaileek aipatu dute 500 lagun ingururen parte hartzea aurreikusi dutela eta, ondorioz, azpiegitura lan mardula egongo dela behar guztiak asetzeko: aulkiak eta mahaiak mugitzea, txandak egitea... Hori dela eta, auzolanean aritzeko deia zabaldu dute azaroaren 15ean eta 16an bertan.
Halaber, antolakuntzak animatu ditu interesdunak ahalik eta lasterren izena ematera, azaroaren 6an amaituko baita horretarako aukera. Euskal Herriko Bilgune Feministak antolatzen ditu topaketa hauek bi urtean behin eta egitarau osoaren berri eman dute jadanik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide