Arabako Batzar Nagusietara jo dute gaur Guardianeko langileek. Enpresa Batzordeko hiru ordezkarik hartu dute hitza bertan, gainontzeko beharginek kanpoaldean elkarretaratzea egiten zuten bitartean.
Ordubete inguru egon dira ordezkari politikoen galderak erantzuten, eta oso ezkor agertu dira Laudioko lantegiaren etorkizunarekin. Beharginek behin baino gehiagotan ziurtatu dute ez dagoela inolako inbertsorerik, eta lantegiak itxita amaituko duela.
Era berean, oso kritiko azaldu dira erakunde publikoek auzi honetan zehar izaten ari diren jarrerarekin. Besteak beste, faltan bota dute astelehenean multinazionalak aurkeztutako Enplegua Erregulatzeko Espedientearen aurka posizionatzea. “Langileak izututa gaude, Eusko Jaurlaritzako inork ez duelako esan espedientea gelditu behar dela, esan duten gauza bakarra da inbertsoreak bilatzen saiatuko direla”, azaldu dute.
Langileen ordezkariek nabarmendu dute labea “bi ordutan” itzali zela, eta Osalaneko eta Jaurlaritzako teknikariek ez zutela ezer egin, fabrikan zeuden arren.
Labea itzali zen eguna ere ekarri dute gogora, nabarmenduz Jaurlaritzak horretan “lagundu” zuela. Salatu dutenez, Osalani, Auzitegi Nagusiari zein Jaurlaritzari eskatu zioten itzalketa ekiditea, baina ez zuten erantzun positiborik jaso, eta Guardianek ere ez zuen ezer akreditatu behar izan erakunde horien aurrean amatatzea abiatzeko.
Era berean, nabarmendu dute labea “bi ordutan” itzali zela, eta Osalaneko eta Jaurlaritzako teknikariek ez zutela ezer egin, fabrikan zeuden arren. "Ez zuten ezer egin, ez galdera teknikorik, ez neurketarik… ez ziren ezta labearen pareta (matxura zuena) ikustera jaitsi". Gauzak hala, une honetan “beirazko eta harri islatzailezko bloke bat” da labea, “erabat erabilgaitza”, Enpresa Batzordeko kideen aburuz.
Une honetan “beirazko eta harri islatzailezko bloke bat” da labea, “erabat erabilgaitza”, Enpresa Batzordeko kideen aburuz. Labe berri bat erosteak "40, 70 edo 90 milioi euroko" inbertsioa egitea ekarriko luke, euren aburuz.
Horregatik ziurtatu dute ez dagoela “hor eskua sar dezakeen inbertsorerik”. Azaldu dutenez, labean hasieran zegoen matxura konpontzea (Guardianek fabrika ixteko "aitzakia" moduan jarri zuena) “4 milioi euroko inbertsioa” izango litzateke. Orain, aldiz, “labe berri bat” erosi beharko litzateke, eta horrek “40, 60 edo 90 milioi kostatu dezake, edo gehiago”.
Azken urteetako bilakaera ere azaldu dute ordezkari politikoen aurrean. Kontatu duten deslokalizazioa “etengabea” izan dela Laudioko fabrikan 2012tik, eta enpresak hamarkada bat baino gehiago daramala inor kontratatu gabe. “Ni naiz gazteena lantegian, eta 16 urte daramatzat bertan”, azaldu du batzordeko kideetako batek. Horrekin batera, Autoglas-Glavistaren salmenta ere ekarri dute gogora, “pandemiaren erdian” eta “egun batetik bestera” izan zela azpimarratuta.