Aurrera doaz Faktoriako sormen egonaldiak

Txabi Alvarado Bañares 2025eko ekainaren 9a
Deskargatu Info Ahotsak :

None
None
None
None
None
None
None
None
None
None
None
None
None

Libe Estebaranz eta Oscar Pascual igaro dira dagoeneko Laudion kokatutako espaziotik. Gontzal Royuela dago bertan uneotan eta jarraian bertaratuko dira Jone Amezaga eta Manu Gaigne.

Meridianora iritsi dira Faktoriako sormen egonaldiak. Bi artista egon dira maiatzean Laudioko pabilioian euren sormen prozesua garatzen. Libe Estebaranz izan zen lehena, eta Oscar Pascualen txanda iritsi da gero. 

Petra proiektua hezur-haragitu du Pascualek, antzerkia eta dantza uztartuta, eta iragan ostegunean aurkeztu zuen egonaldian aurreratutakoa, hainbat ikusle gogotsuren aurrean. 

Gontzal Royuelak hartu du Pascualen lekukoa. Antzezleak Ximurrak pieza landuko du Faktorian, eta ekainaren 15ean eskainiko du saio irekia. Bukatzeko, Tar Tar Kolektiboko Jone Amezaga eta Manu Gaignek bisitatuko dute Aiaraldeko euskararen espazioa, Arran-Erran proiektua eraikitzeko. Euren kasuan, ekainaren 26an izango da saio irekia. 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide