Bere lehen abesti propioa estreinatuko du Ximenak ostiralean Faktorian

Erredakzioa 2025eko irailaren 9a

Ximena arduratuko da Faktoriako ikasturte hasiera girotzeaz. / Aiaraldea.eus

Ur ludoteka, parrillada eta kontzertua eskainiko dituzte ostiral arratsaldean Laudioko Industriagunean kokatutako espazioan, ikasturtea abiatzeko.

Ikasturtea martxa dago jadanik, baita Faktorian ere. Laudioko Industriagunean kokatutako euskararen espazioak ohiko ordutegiari heldu dio berriz. Arratsaldero egongo da zabalik, astelehenetik ostiralera, 17:00etatik 20:30etara.

Horrez gain, "Ikasturte hasierako jaia" egingo dute ostiralean, arratsalde osoko egitarauarekin. 17:30ean hasiko dira haurrentzako ur-jolasekin, 20:00etan parrillada eskainiko dute eta 22:00etan musika eskaintza egongo da, Ximenaren eskutik.

Bakarlari laudioarra estreinako aldiz igoko da Faktoriako oholtzara. 2023an eskaini zuen lehen kontzertua eta, aurreratu duenez, "sorpresak" ditu gordeta ostiraleko emanaldirako. Hainbat kanturen bertsioak taularatuko ditu, kitarra zein oinarri instrumentalak baliatuta. Baina, horrez gain, bere lehen abesti propioa estreinatzeko ere baliatuko du okasioa.

Jarduera guztiak izango dira doakoak, kontzertua salbu. Emanaldiaz gozatzeko 5 euro ordaindu beharko dute Aiaraldea Kooperatiba Elkarteko bazkideek, eta 7 euro ez-bazkideek.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide