Global Summud Konboiak aurrera egingo du gaur daraman laguntza humanitarioa Gazara eramaten saiatzeko. Haizea Urkixo Gorostiaga laudioarra dago ekintzaile taldearen barruan eta ezjakintasun osoko egoerari egingo diote aurre.
Izan ere, Libia duela hamarkada bat baino gehiago ez duela gobernu ofizialik eta lurraldea bi fakzioen artean banatuta dago, nagusiki. Hurbileko iturriek adierazi duten moduan, Espainiako Barne Ministerioaren konpromisoa daukate soilik gertatzen dena gertatzen dela ere laguntzeko.
Lurretik doan konboia hiru aukera topatzeko prestatu da: segurtasun indarrek pasatzen uztea, bidea blokeatzea edota laguntza humanitarioa Gazara bidaltzeko konpromisoa hartzea, baina konboia bera atzera eginda.
Momentuz, lehenengo kontrol puntua igaro dute.Hala ere, 15:30etatik daude muga zeharkatzera joan diren 9 ordezkariak itxaroten. Beraiekin harremana galdu dute eta espainiar ministerioarekin ari dira lanean saiatzeko informazioa lortzen.
Edonola ere, ekintzaileek aurreikusi dute atxiloketak edota arazoak ere gerta daitezkela.
Guztira, 50 kamioi, 20 autokarabana eta 10 anbulantzia Rafahra heltzea da konboiaren asmoa.
Kezka Udalean eta senideen artean
Laudioarraren patuak kezka sortu du bere herrian eta Laudioko Udalak oharra zabaldu du aste honetan horri buruz.
Elkartasun ekimen honetan parte hartu baino lehen, Haizea Urkixo Gorostiagak antzeko beste egitasmo batean parte hartu zuen iaz.
Bestalde, senideek ezinegona ere adierazi diote Aiaraldea Komunikabideari, atzo Ertzaintzak Summud Global Flotillako euskal kideak bortizki kolpatu eta atxilotu ondoren Loiuko aireportuan.