Maderas de Llodio greba mugagabean

Uztailaren 1ean itzuliko dira Maderas de Llodioko beharginak lanera, behin akordioa itxita

Erredakzioa 2026ko ekainaren 24a
Deskargatu Info Ahotsak :

Maderas de Llodioko langileena izan da eskualdean inoiz egondako greba mugagaberik luzeena. / Aiaraldea.eus

Mobilizazioa eta agerraldia deitu dituzte datorren astelehenerako, eta bertan emango dituzte Garnicarekin lortutako akordioaren gaineko xehetasun gehiago

Datorren asteko asteazkenean (uztailak 1) amaituko da ofizialki Maderas de Llodioko langileen greba mugagabea. Izan ere, ixtear dute behin betiko akordioa Garnica multinazionalarekin, iturri sindikalek Aiaraldea Komunikabideari jakinarazi diotenez. 

Mobilizazioa eta agerraldia astelehenean

Hori baino lehen, baina, azken deialdi bat egingo dute grebalariek, astelehenerako. Mobilizazioa egingo dute 18:30ean Eroskiko biribilgunetik Herriko plazara. Izan ere, agerraldia egingo dute bertan ordu erdi beranduago, izandako borrokaren balorazioa egin eta lortutako akordioaren gaineko xehetasun gehiago jasotzeko. 

Aiaraldeko historiako grebarik luzeena

Ekainaren 8an erabaki zuten langileek Garnicak eginiko azken eskaintza onartzea, iragan irailetik indarrean zegoen grebari amaiera data jarriz.

Aurreikuspenak betetzen badira, 284 egun iraungo ditu orotara Laudioko egur fabrikako langileek 35 kideren kaleratzearen aurka abiatutako lanuzteak. Modu horretan, Aiaraldeko historian inoiz egondako greba mugagaberik luzeena bezala oroitua izango da. 

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide