Ehun langile eta hamaika enpresaren arteko hartu emanak sustatu ditu Aiaraldeko enplegu azokaren bigarren edizioak

Txabi Alvarado Bañares
Gehitu gaitzazu Googlen
Deskargatu Info Ahotsak :

Antolatzaileak pozik azaldu dira ekimenak izandako harrerarekin eta hirugarren edizio bat antolatzeko asmoa adierazi dute. 

Arrakastatsua izan da Aiaraldeko enplegu azokaren bigarren edizioa, antolatzaileen esanetan. Gaur goizean egin da ekimena Laudioko Lamuza parkeko Kasinoan. Eskualdeko hamaika enpresek jarri dute postua, eta banan-banan aritu dira lan bila bertaratu diren bizilagunekin hitz egiten. 80 pertsona zeuden izena emanda, baina jende gehiago bertaratu da azkenean, ehun interesdunen langara iritsita. 

Pozik azaldu da Gorka Agirre Astola ekimenak izandako harrerarekin. Aiaraldea Lanean federazioko lehendakariak nabarmendu du Lanbiderekin lankidetza estuagoa egin dutela aurten, eta Kasinoko espazioa ere aproposagoa izan dela nabarmendu du. Gauzak hala, datorren urten ere ekimena antolatzeko prestutasuna erakutsi du Agirrek. 

Iaz egin zuten azokaren lehen edizioa, Laudioko Garapen Agentziako bulegoetan.

Argazkiak: Arabako Merkataritza Ganbara

Ekonomia Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide