Oroiminaren hirietan aldaroka olerki liburua aurkeztuko du Jon Iturregik ostegun honetan Faktorian, 18:30ean. Aiaraldea Komunikabideak antolatu du solasaldia, eta sarrera libre eta doakoa izango da. Horrez gain, liburu fisikoa erosteko aukera ere egongo da bertan.
Blas de Otero-Angela Figuera poesia lehiaketaren XVIII. edizioan gailendu zen idazle laudioarra iaz, eta horrek eman dio aukera bere lehen liburua plazaratzeko, Erein argitaletxearekin. Bost urtetan zehar argitaratutako olerkiak bildu ditu Iturregik, nostalgia, oroimena eta bere belaunaldiaren ahotsa uztartuta, besteak beste.
Aiaraldea Komunikabideak liburuaren ale bat zozkatuko du ostegunean bertan. Hemen klikatuta parte hartu daiteke.