aiaraldea.eus

San Roman elizaren bueltan, auzolana eta herri giroa nagusi

Erabiltzailearen aurpegia Izar Mendiguren Cosgaya   Kultura  Okondo

San Roman eguna ospatu zuten atzo okondoarrek. Elizaren bueltan elkartu ziren festa egiteko. Haur zein heldu, makina bat ekintza izan zituzten gozamenerako. Auzolana eta herri-giroa osagai, egitarau oparoa antolatu dute.

Makila txapelketan okondoarren oreka gaitasuna neurtu zuten. Zigi-zagaka hiru aulkiren artean pasatzean zetzan jokoa, ahalik eta distantzia luzeena egiteko. Hala umeek nola helduek hartu zuten parte txapelketan. Herri afaria izan zuten segidan, auzokideak elkartzeko aitzakia gisa. Auzo txikia izanagatik, parte hartze handia egon zen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa