Sergio Tato izango da Okondo Aurrera taldearen alkategaia

Erredakzioa 2019ko otsailaren 12a
Deskargatu Info Ahotsak :

Sergio Tato alkatea izango da Okondo Aurrera taldearen zerrendaburua. / O. A.

Okondo Aurrera taldeak modu positiboan baloratu du Sergio Tatok egindako lana, eta jarraikortasunaren aldeko hautua egin dute maiatzeko hauteskundeei begira.

Okondo Aurrera tokiko taldeak gaur iragarri du bere zerrendaburua Sergio Tato izango dela; hau da, egungo alkatea.

Talde independenteak azaldu du 2015ean abiatutako proiektuarekin jarraitu nahi dutela, eta Sergio Tato dela pertsonarik egokiena horretarako.

Okondo Aurreraren ustez, indarrean dagoen legealdiaren balorazioa positiboa da eta Tatok esperientzia nahikoa dauka. Berez, taldeak goraipatu du azken urteotan udal azpiegitura nagusiak berritu direla eta bitarteko ekonomikoak eskuratu direla, mendiak modu jasangarrian ustiatuta. Halaber, azpimarratu dute udalaren zorra ia desagertu dela.

Politika Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide