Okondon aldaketa gauzatzeko botoa eskatu du EAJk

Jon Escuzak EAJren programa aurkeztu zuen atzo arratsaldean Okondon eta eskualdeko zein herriko hainbat jeltzaleren babesa izan zuen.

EAJk hauteskunde ekitaldia antolatu zuen atzo Okondon udal programa aurkezteko eta botoa eskatzeko. San Bartolome plazan elkartu ziren hainbat herritar eta ume -haurrentzako ekintzak baitzeuden-, baita alderdiko ordezkari ugari ere: Gentza Alamillo, Encina Castresana, Ander Añibarro...

Jonathan Morenok egin zituen aurkezle lanak eta Marian Olabarrieta Arabako Foru Aldundirako eskualdeko hautagaiak hartu zuen hitza lehenik eta behin, erakunde horretan jeltzaleek egindako lana goraipatzeko, baita Aiarako Kuadrillan ere.

Gero Jon Escuza EAJko alkategaiaren txanda heldu zen eta adierazi zuen lantegian geratzea erosoagoa izanik ere, berak konpromisoa hartu duela udalerriaren alde aritzeko. Azpimarratu zuen aldaketa beharrezkoa dela Okondon eta ez konformatzeko mezua zabaldu zuen.

Hainbat proiektu gauzatzeko asmoa azaldu zuen: baso ustiapenean edota kirol gunean, eta agortzear dagoen legealdiko kideen lana aitortu zuen.

Diskurtsoaren ostean, publikoaren hiru galdera erantzun zituen alkategaiak eta jarraian beste zerrendakide batzuek hitz egin zuten. Askariarekin bukatu zen ekitaldia.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide