Hasi da Okondoko festa maratoia. Iragarpenetan hori antzeman daiteke, behintzat. Abuztuan bi ospakizun izango dira nagusi. Batetik, San Roman jaiak, abuztuaren 6tik 9ra antolatuko dituztenak. Bestetik, San Bartolomeren omenezko egitaraua; alegia, herriko jai nagusiak.
Abuztuko lehen larunbatean, hilaren 6an, abiatuko dituzte San Roman auzoko ekitaldiak. Bolo txapelketa izango da lehenbiziko jarduera, 11:00etatik 13:00etara eta 16:00etatik 21:00etara jokatuko dena. Igandean amaituko da ekimena, 11:00etatik 12:30era, hain zuzen.
Astelehena izango da “egun handia”. Hala ere, iluntzean ekingo diote egitarauari, Party Man musika jartzailearen Skywalker show lanarekin. Ondoren, odoloste jana egongo da, 20:00etatik aurrera alegia. Gainera, Florentxu y sus muchachos taldearen erromeriak girotuko du afalordua, eta gero mariatxiek emango diote jarraipena gauari, 22:30etik aurrera.
Asteartean, abuztuaren 9an, San Romaneko elizan, santuaren omenezko meza egingo dute 12:30ean, eta gero mokadua banatuko dute bertaratutako jende ororentzat. Trikitilariak arduratuko dira giroa pizteaz. Txapelketak izango dira protagonista ondorengo orduetan: 13:30ean igel jokoan lehiatuko dira herritarrak, eta 17:30ean briskan.
Alpargata jaurtiketa
Ohiko ekintzetatik harago, badira San Roman jaiak berezi bilakatzen dituzten beste zenbait jarduera ere. Horien artean dago alpargata jaurtiketa, abuztuaren 9an 19:30ean egingo dutena. Edozelan ere, herri afaria izango da ekimenik jendetsuena, ohiturari jarraiki, abuztuaren 9an, 21:00etan gauzatuko dutena. Auzokide zein okondoarrek elkarrekin afaltzeaz gain, dantzatzeko eta parranda egiteko aukera ere izango dute, disko jaia iragarri baitute gaueko hamabietatik aurrera.
Egitarau osoa
Hemen ikusi daiteke jaietako egitarau osoam egunez egun eta orduz ordu:
Abuztuak 6, larunbata
11:00 // BOLO TXAPELKETA
Bolatokia
16:00// BOLO TXAPELKETA
Bolatokia
Abuztuak 7, igandea
11:00 // BOLO TXAPELKETA
Bolatokia
Abuztuak 8, astelehena
19:00 // PARTY MAN “Skywalker Show”
20:00 // ERROMERIA Florentxu y los muchachos taldearekin eta ODOLOSTE JANA
21:00 // MARIATXIAK
23:00 // MUS TXAPELKETA
23:30 // DISKO JAIA
Abuztuak 9, asteartea
12:00 // MEZA NAGUSIA San Romanen omenez
12:30 // PINTXOAK eta TRIKITRIXA
13:30 // IGEL-TOKA TXAPELKETA
17:30 // BRISKA TXAPELKETA
18:30 // HAURRENTZAKO JOLAS PARKEA
20:00 // ALPARGATA JAURTIKETA
21:00 // HERRI AFARIA
00:00 // DISKO JAIA