Edadetuek hasiko dituzte Okondo festak. Abuztuaren 21ean abiatuko dute programazioa, Nagusien Egunarekin. Itzalde abesbatzaren kontzertua egongo da horretarako 13:00etan, eta herri bazkaria egingo dute frontoian ondoren. Arratsaldean, aldiz, musika emanaldiarekin dantzatuko dute herritarrek.
Astelehenean, abuztuaren 22an, bola joko txapelketa antolatuko dute goiz eta arratsaldez. Ez da hori izango, ordea, ekimen bakarra: 17:00etan futbito txapelketak bilduko ditu kirolzaleak. Bingoarekin jarraituko du jokoak iluntzean, eta aire zabaleko zinemarekin bukatuko dute eguna, Cruella filma ikusten.
Asteartean izango da izango da txupinazo eguna, abuztuaren 23an. 11:00etan paella txapelketarekin helduko diote txanpa nagusiari San Bartolome plazan, eta 13:00etan irakurriko du pregoia Javi Ramos 'Gipu'-k. Hala, sari banaketaren ondotik herri bazkaria egingo dute: paella jana. Mus txapelketa eta umeen jokoekin emango diote segida aureratu dutenez, ‘molto lasterketa’ barne. 20:30ean Puro Relajoren kontzertuak lehertuko du jai giroa, eta DJ Markelinek hartuko dio lekukoa gero. Okondoko Udalak adierazi duenez, abuztuaren 19tik 23ra Ihes gela ere egongo da okondoarren eskura.
Gauzak hala, dantzan helduko diote asteazkenari askok. Izan ere, dantza-plaza eta aquagym klaseak egongo dira abuztuaren 24an -plazan eta igerilekuetan, hurrenez hurren- 11:00etatik aurrera. Horrez gain, ‘txu-txu trena’ ariko da kalerik kale 12:00etan eta 16:00etan alegia. Eguerdian Itzalde abesbatzarekin meza, trikilari eta buruhandiekin kalejira eta txoripan dastaketaren txanda izango da. Futbolak beteko du arratsaldeko txanpa: futbito txapelketako finala jokatuko dute 16:00etan, eta ‘Ezkongabe eta ezkonduen arteko partida’ deitu dute ondoren, tute txapelketaren aurretik. Edozelan ere, bestelako ekintzek ere edukiko dute lekua. Horren adibide dira txakolinaren inguruko hitzaldi, erakustaldi eta dastaketa. Zirkua ere ikusteko parada eskainiko dute herrian, 19:00etan Mute emanaldia taularatuko baitu Orain Bi konpainiak. Indarrak berreskuratzeko saiheski eta hanburgesa jana eskainiko dute gauean, Ritmo taldearen berbenaren eta DJ diskofestaren aurretik.
Abuztuaren 25ean bukatuko dira San Bartolome jaiak. Alabaina, tortila txapelketan neurtuko dituzte kozinatzeko trebetasunak lehenbizi. Horrez gain, 11:30etik 14:00etara umeentzat jolas parkea eta zezen mekanikoa muntatuko dituzte. Azken trakak osagai ugari metatuko ditu arratsaldean zehar, baina: briska txapelketa, apar festa, plater tiroketa, herri kirolen erakustaldia eta herri kirolak, besteak beste. 22:00etan deitu dute, ordea, ekintza izarra: mozorro lehiaketa. Izan ere, okondoar ugarik hartzen dute parte. Azken notak, baina, Continente erromeriaren esku geratuko dira, 23:00etan kontzertuarekin festak itzali arte. “Atsedenaldian txapela jaurtiketa egongo da”, erantsi du Udalak.
EGITARAU OSOA
08.21 IGANDEA
12:30 // MEZA NAGUSIA
13:00 // ITZALDE ABESBATZAren kontzertua
13:00 // HERRI BAZKARIA
Frontoia
14:30 // MUSIKA emanaldia
Frontoia
08.22 ASTELEHENA
11:00 // BOLA-JOKO txapelketa
Bolatokia
17:00 // FUTBITO txapelketa
Futbol zelaia
17:00 // BOLA-JOKO txapelketa
Bolatokia
20:00 // BINGOA
San Bartolome enparantza
20:30 // Aire zabaleko zinema: “CRUELLA”
San Bartolome enparantza
08.23 ASTEARTEA
11:00 // PAELLA LEHIAKETA
San Bartolome enparantza
13:00 // TXUPINAZOA eta PREGOIA, Javi Ramosen eskutik
14:00 // HERRI BAZKARIA
17:00 // MUS TXAPELKETA
18:00 // JOLASAK eta “MOLTO” LASTERKETA
Frontoia
18:00 // EGURREZKO JOLASAK
Frontoia
20:30 // PURO RELAJO eta DJ MARKELIN
08.24 ASTEAZKENA
11:00 // DANTZA-PLAZA
San Bartolome enparantza
11:00 // AQUAGYM eskola, Talde Sport-ekin
Igerilekuak
12:00 // TXU-TXU trena
Frontoia
12:30 // MEZA
13:00 // TRIKITIXA eta BURUHANDIAK
13:30 // TXORIPAN JANA
San Bartolome enparantza
16:00 // FUTBITO TXAPELKETA
Futbol zelaia
17:00 // TUTE TXAPELKETA
San Bartolome enparantza
17:00 // EZKONGABE eta EZKONDUEN arteko futbol partida
Futbol zelaia
18:00 // TXAKOLINAREN INGURUKO HITZALDIA, Astobiza Txakolinaren eskutik
San Bartolome enparantza
19:00 // Zirku ikuskizuna; “MUTE”
San Bartolome enparantza
20:30 // EUSKOLABEL sahieski eta hanburgesak
San Bartolome enparantza
22:30 // Berbena RITMO taldearekin
01:30 // DISKOFESTA
08.25 OSTEGUNA
11:00 // TORTILLA TXAPELKETA
San Bartolome enparantza
11:30 // HAURRENTZAKO PARKEA eta ZEZEN-MEKANIKOA
Frontoia
12:30 // Hildakoen omenezko MEZA
17:00 // BRISKA TXAPELKETA
17:00 // PUZGARRIAK eta APAR FESTA
Frontoia
19:00 // HERRI KIROLAK
San Bartolome enparantza
21:00 // ERROMERIA Continente taldearekin
San Bartolome enparantza
22:00 // MOZORRO LEHIAKETA
22:00 // ERROMERIA Continente taldearekin eta TXAPELA JAURTIKETA
Frontoia