Hasi Okondoko San Bartolome Jaiak. Aiaraldea Komunikabideak egingo diren ekintzen genero zein hizkuntza azterketa egin du. Guztira, 37 jarduera barne hartzen ditu 2022ko egitarauak, eta horietatik 6 izango dira (%16,21) kontratatutako kultur ikuskizun edo emanaldiak.
Genero arrakala nabarmena da: kontratatutako ekintzen %67an dira guztiak gizonak, eta ez dago emakumeek soilik osatutako talderik
Genero arrakala nabarmena da: kontratatutako ekintzen %84an dira guztiak gizonak, eta ez dago emakumez soilik osatutako talderik (Ekintzen %67an gizonezkoena izango da osorik oholtza, eta %17an izango dira gehienak gizonak). Genero azterketari dagokionez, ondorengoa da kontratatutako ekitaldien egoera:
Hizkuntzari dagokionez, berriz, kontratatutako ekintzen %83 izango da gazteleraz, (Diskofesta elebitan dela kontuan hartuta, %17). Horrenbestez, euskararen presentzia oso urria izango da kontratatutako kultur emanaldietan.
Zenbaketa egiteko irizpideak
Aiaraldea Komunikabideak egin du azterketa. Zenbaketa errazteko, kultura ekitaldiak soilik hartu dira kontuan (kontzertuak, ikuskizunak, antzerki emanaldiak...). Hau da, albo batera utzi dira hizkuntza zein genero irizpideen arabera sailkatzeko zailak diren zenbait jarduera (herri bazkariak, lehiaketak, ekitaldiak…).
Era berean, Okondoko Udalak argitaratutako jai programa erabili da zenbaketa egiteko. Tokiko erakundeak eta herriko beste hainbat elkartek eta eragilek antolatutako jarduerak agertzen dira bertan, egingo diren ia guztiak, alegia (azken orduan lotutako batzuk salbu). Modu horretan, 6 ekitaldi aztertu dira guztira.
Hizkuntzari dagokionez, ondorengo multzoetan bereiztu dira jarduerak: euskara hutsezko ekintzak: gaztelerazkoak, elebidunak eta hizkuntzarik gabekoak.
Parekidetasuna neurtzerako orduan, aldiz, lau multzo osatu dira. Lehen multzoan soilik gizonez osatutako talde eta emanaldiak sartu dira. Bigarren multzoan, gizonezkoak nagusi diren kasuak barnebildu dira (%50 edo gehiago gizonezkoa). Hirugarren multzoan, aldiz, emakumeak nagusi diren emanaldiak daude (%50 edo gehiago emakuzkoak direnak). Laugarrenean, aldiz, soilik emakumez osatutako taldeak sartu dira.