Okondok Baserri Azokaren XXV. edizioa izango du bihar herrigunean. 10:00etan egongo dira prest ekoizleen erakusmahaiak, baina hori, elementu nagusia izanda ere, ez da bakarra izango. Izan ere, errementaritza erakustaldia eta UAGAk sortutako emakume abeltzainei buruzko erakusketa ere egongo dira.
Horrez gain, 11:30ean AiarAndreen Taupadak batukada (eskualdeko hainbat emakumek osatutakoa) sortuko du burrunba ordubetez. Aldi berean, umeentzako egurrezko jokoak egongo dira azoka amaitu arte eta 12:00etan haurrentzako tailerrak abiatuko dituzte.
Ordu berean, eguerdian, Iratxo Kultur Elkarteak euskal dantzen alardea eskainiko du. 13:30ean, aldiz, herri kirolen txanda helduko da: harrijasotzaileak, orgajasotzaileak, laztojasotzaileak, ingudejasotzaileak eta trontzalariak egongo dira, emakumezkoak zein gizonezkoak.
Gogoratu beharra dago pandemiaren ondorioz hiru urtez eten zela Okondoko Baserri Azoka eta berreskuratu zuten urtean atzeratu behar izan zutela, sute batean hiru okondoar zendu eta gero.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
