Orozkoko Udaleko alderdiek zirriborroa egin dute udal zerbitzuen pabilioia bilakatzeko Gizarte-Etxea. Hala ere, herritarren babesa bermatu nahi dute, eta, hori dela medio, parte hartzerako prozesua abiatuko dute.
Berez, ostiraletik informazio osoa ikusgai dago museoan eta orozkoarrek iritzia eman dezakete kutxa batean.
Udalaren proposamena
Beheko solairua 4 zatitan banatzea aurreikusi dute:
- Elkargunea.
- Entsegu tokia.
- Ludoteka.
- Gaztetxokoa.
Ludoteka eta gaztetxokoa banatzen dituen horma mugitzekoa izango litzateke eta bi horiek bestetik banatzeko horma finkoa eta kristalduna.
Harrera elkargunean egongo litzateke eta sarrera eraikinaren albo batean.
Orain dauden ateak kristalezkoak lirateke.
Lehen solairua
Hurrengo aldaketak proposatu dituzte:
- Eskailerak eta eskailburua eta aldagelak txikitu liburutegia eta ordenagailu gela handiagoa egiteko.
- Hiru gelak (liburutegi biak eta ordenagailu gela) banatzen dituzten hormak kristalezkoak lirateke.
Kanpoko aisialdirako lekua
Orain udalaren materiala gordetzeko tokia da. Asmoa da hor aisialdi tokia egitea:
- Kulunkak ipini.
- Irakurtzeko mahaiak.
- Toki estalia sortu (karpa).