aiaraldea.eus

Udal hauteskundeetarako hautagaien zerrenda osoa aurkeztu du Adiek

Erabiltzailearen aurpegia Erredakzioa   Politika  Orozko

Talde independenteak aitortu du orain dela gutxira arte ez duela etorkizuna bermatua izan, oraingo alkateak eta hiru zinegotzik “politikaren lehen lerroa” utziko dutelako agintaldi hau amaitzen denean.

Udal hauteskundeetarako hautagaien zerrenda osoa aurkeztu du Adiek
13 kidek osatzen dute zerrenda. / Adie | Ikusi handiago | Argazki originala

Datorren maiatzeko udal hauteskundeetarako osatu duen hautagaien zerrenda aurkeztu berri du Adiek. Sinadura bilketa abiatu zuen Orozkoko talde independenteak iragan astean (alderdiak ez diren taldeak horretara derrigortuak daude hauteskundeetan parte hartu ahal izateko). 167 sinadura lortu zituen guztira. “Eskertzeko kopurua da kontuan izanda 3.000 biztanletik beherako herria garela. Jendearen babesa jasotzeak aurrera egiteko indarra ematen digu", azaldu du Josu San Pedro alkateak.

Talde independenteak aitortu du orain dela gutxira arte ez duela etorkizuna bermatua izan, oraingo alkateak eta hiru zinegotzik “politikaren lehen lerroa” utziko dutelako agintaldi hau amaitzen denean. "Azken hilabeteotan, sarritan pentsatu izan dugu gure proiektua aurten amaituko zela, izan ere, ez genuen erreleborik topatzen orain arteko lanarekin segitzeko", azaldu du San Pedrok.

Duela zenbait aste aurkeztu zuten taldearen alkategaia izango dena: Pedromari Intxaurraga Sautua. “Gure filosofiarekin leial izaten segituko dugu. Gure herriarekin zerikusirik ez duenarekin loturarik izan gabe”, azaldu du zerrendaburuak, “Orozkoko eta Orozkorako taldea gara, ez besterik, eta orozkoarren interesen alde egiten dugu, ez pentsaera politiko zehatz baten alde".

Hauek dira zerrenda osatzen duten kide guztiak:

1. Pedromari Intxaurraga Sautua. 59 urte. Batxilerra. Baso-langilea.

2. Idoia Camacho Markina. 46 urte. Informazio Zientzietan Doktorea. Euskal Herriko Unibertsitateko Irakasle-ikerlaria.

3. Jose Urraza Aldayturriaga. 36 urte. Zuzenbidean Lizentziatua. Gipuzkoako Foru Ogasuneko Teknikaria. Oraingo zinegotzia.

4. Berenice Rodríguez García. 67 urte. Idazkaritza. Osakidetzako Zuzendaritzako idazkari erretiratua. Oraingo zinegotzia.

5. Juanjo Lazkano Ortueta. 50 urte. Ostalaritza eta Turismoko Teknikari espezialista. Sukaldaritza irakaslea.

6. Zuriñe Urkijo Arbaiza. 34 urte. Topografia-ingeniaritza Teknikoa. Itsasontzi-delineatzailea.

7. Montse Ibarrondo Sagastizabal. 51 urte. Informazio Zientzietan Lizentziatua. Diseinatzaile Grafikoa.

8. Isabel Orueta Solaun. 67 urte. Lehen Hezkuntza. Etxekoandrea.

9. Ander Jiménez Etxebarria. 32 urte. Nekazaritzako Ingeniaritza Teknikoa. Nekazaritza-ingeniaria.

10. Oiane Larrazabal Arbaiza. 40 urte. Psikologian Lizentziatua. Psikologoa.

11. Gurene Grande Martínez. 38 urte. Arte Ederretan Lizentziatua. Artisaua eta Irakaslea.

12. Irati Larrory Casaus. 29 urte. Haur Hezkuntzan Diplomatua, Lehen Hezkuntzan Graduatua. Irakaslea.

13. Garazi Intxaurraga García. 30 urte. Haur Hezkuntzan Diplomatua, Heziketa Berezian Diplomatua, Lehen Hezkuntzan Graduatua. Irakaslea.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa