Jaien hasierako sakea, Atxulaur futbol taldearen esku

Atxulaur taldekoak izango dira pregoilariak. / Aiaraldea

Atxulaur futbol taldea izango da Orozkoko San Antolin jaietako pregoilaria. Mende laurdena bete du aurten elkarteak, eta harrobia ez ezik sendo dago taldea; bigarren mailara igotzea lortu berri baitute.

Atxulaur K.E izango da sanantolinetako pregoilaria. 25 urte bete ditu taldeak aurten, eta hori dela eta egin diete aitortza.

“Oso pozik gaude, ez genuen espero. Egin dugun 25 urteko ibilbidea ospatzeko modu bat da, ohorerik handiena”, dio Roberto Santa Cruz Olivarrek. Pregoia ez ezik, taldearen liburua ere osatzen ari dira, “baten batek argazkiak edo materiala balu eskertuko genioke bidaltzea autxulaur.ke@gmail.com helbidera”. 

Egun neska-mutil ugari dabiltza klubean, “esango nuke gaur egun 160 inguru direla”. Irailean hasiko den denboraldirako 8 talde dituzte osatuta dagoeneko, futbol eskolaz gain.

Ospatzeko lorpen ugari izan dituzte aurten gainera, bigarren maila erregionalera igo baita Atxulaurreko talde nagusia, hirugarren mailan txartela lortuta. “Hurrengo urtean ere gogor borrokatuko dugu, jakina”, dio.

Oraindik ez dute pregoia prestatu. Hala ere, ordezkaritza zehaztu dute: Atxulaurreko 4 zuzendaritza batzordeetatik behintzat ordezkari bana igoko da udaletxeko balkoira. “Guztiok gara taldea; eta, noski, gure artean ez dauden, baina lan handia egin duten pertsonak izango ditugu buruan. 25 urtetan pertsona asko pasa da klubetik. Ez da etorriko mundu guztia, baina asko bai. Sorpresaren bat emango dugu... Jaietan futbolaren eta kirolaren balore eta filosofia transmititu nahiko genuke”.

Ildo beretik, sanantolinak oso dibertigarriak eta parte hartzaileak izatea espero dute, "mota guztietako biolentziarik gabeak".

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide