"Jaiak herrikoak izateko aldaketak eman dira Txosnagunean"

Txosnaguneko egitaraua aurkeztu dute. / Aiaraldea

Orozkoko Txosnaguneak egitarau oparoa prestatu du aurtengo festetarako. Elkarte eta dinamika berriak gehitu zaizkio proiektuari; Orozkorock banden lehia eta goitiberak kasu.

"Inoiz baino herrikoiagoak izango dira aurtengo Orozkoko jaiak", baieztatu du Eider Solatxik. Orozkoko Txosna Batzordeko kideak, elkarteen arteko elkarlana nabarmendu du: "Aurten lehen aldiz txosnagunea beste eragile batzuekin batu da, eta auzolanean eraiki dugu egitaraua; ehuneko ehunean ez bada, hein handi batean autogestionatuta".

Supelaur, Orozkoko Gazte Asanblada, Orozkorock eta Matxintxu aritu dira egitarau oparoa prestatzen. "Sortutako aliantzak oso aberasgarriak dira", erantsi du Solatxik, "Txosnagunean aldaketak eman dira jaiak herrikoak izateko, eta horretarako elkarteen parte hartzea oso inportantea da".

Musika eskaintza

Kontzertuei dagokienean Mugalari, Siroka, Dj Bull, Yogurinha Borova, Las Tea Party eta Iker Lauroba bertaratuko dira, besteak beste.

Bestalde, aurten ere Zapatu Morea egingo dute, emakumeak erdigunean jartzeko: "Aldarri feministak egiteko, jaietan erasorik gabe gozatu nahi dugula aldarrikatzeko, emakumeak jaietan ere libre garela adierazteko eta oholtza gainean ikustarazteko". Ohi bezala, Matxintxurekin batera osatu dute egun hori.

Gazte Eguna eta Elkartasun Eguna ere izango dituzte: "Gazte Asanbladari esker eraikitzen da txosnagunea, eta horri esker gazte askok txandak egiten dituzte, eta auzolanetan parte hartu. Gazteok subjektu klabe garela jaiak antolatzeko adierazi nahi dugu egun horrekin, jaien antolakuntzaren lehen lerroan jartzen baikara horrela". 

Elkartasun keinu gisa, Alaitz Aramendi orozkoarrak 12 urte daramatzala espetxean salatuko dute irailaren 1ean. Horrez gain, 47 euskal herritar epaituko dituztela-eta, babesa adierazteko argazkia aterako dute. 

Goitibehera lasterketa lehenbizikoz

Goitibehera lasterketa izango da Gazte Asanbladaren aurtengo nobedadeetako bat. Abuztuaren 30ean egingo dute, 19:30ean txosnagunetik abiatuta. Izen-emate epea zabalik dago, orozkokogazteasanblada@gmail.com helbidera bidali beharko dute interesdunek mezua, edota Itxina tabernan egin.

"Pedalak edota motorra ezingo dira erabili, eta derrigorrezkoa izango da kaskoa eramatea", nabarmendu dute.  

 

EGITARAU OSOA

Abuztuak 30, barikua: Gazte Eguna

12:00 // Txupinazo alternatiboa eta txosnen irekiera

12:05 // Kale animazioa eta mural margoketa

12:30 // GZTxef lehiaekta

14:·0 // Gazte bazkaria eta bingo musiaktua

19:30 // Goitibera lasterketa

20:30 // Sardinada

22:00 // Kontzertuak: Mugalari, Siroka eta DJ Bull

Abuztuak 31, larunbata: Zapatu Morea

12:00 // Emakume* sortzaileen azoka

13:00 // "Neska*gazteok kaleak astintzera!"

19:30 // Herrian zehar kalejira feminista Mamiki batukadarekin

21:30 // Ikuskizuna: 4 eme (ostean ekitaldia)

0:30 // Kontzertuak: Yogurinha Borova, Las Tea Party

Irailak 1, domeka: Elkartasun Eguna

20:00 // "Euskaol preso, iheslari eta deportatu politikoak etxera" manifestazioa txosnagunetik (eta ostean elkartasun argazkia "47akHerrian")

21:30 // Elkartasun afaria (ostean Iker Lauroba)

Irailak 2, astelehena: Rock Eguna

18:00 // Garagardo dastaketa

20:30 // Orozko Rock I.Banden Lehiaketako finala 

Egun osoan zehar argazki erakusketa

Irailak 3, asteartea

19:00 // Ezker pareta III.Txapelketa Herrikoiaren final handia

Irailak 4, eguaztena: Berakatz Eguna

22:30 // DJ Uxun&Tatun

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide