aiaraldea.eus

Izaro Blanco Pikatzak 2 domina lortu ditu Hungarian, inolako babes ekonomikorik izan ez badu ere

Erabiltzailearen aurpegia Aitor Aspuru Saez   Kirola  Orozko

Kick Light eta Light kategorietan eskuratu zituen zilarrezko eta brontzezko dominak Izaro Blanco Pikatzak. Senideek salatu dute ez duela laguntza ekonomikorik izan eta familiak berak hartu dituela bere gain gastu guztiak.

Izaro Blanco Pikatzak 2 domina lortu ditu Hungarian, inolako babes ekonomikorik izan ez badu ere
Izaro Blanco Pikatzak bi domina ekarri ditu Hungariatik. / FEKM | Ikusi handiago | Argazki originala

Hungarian jokatu zen abuztuaren 26tik 31ra bitartean Europako Kick Boxing Txapelketa, eta Espainiako Selekzioak Izaro Blanco hautatu zuen 65 kiloko pisua gainditzen dutenen artean aritzeko, hau da, kategoria pisutsuenean.

Blanco 14 eta 16 urte bitarteko kirolariekin lehiatu zen eta bi domina eskuratu zituen. Kick Ligth diziplinan zilarra erdietsi zuen bi borroken ostean -Kroazia eta Poloniaren aurka-. Finala ezin izan zuen jokatu, orkatilan distentsioa sufritu baitzuen. Lesioaren ondorioz, 2. postuan geratu zen. Light kategorian behin borrokatu zuen eta 3. postuan sailkatu zen, brontzezko domina lortuta.

Babes falta
Kirolariaren senideek adierazi dute emaitzak "ikaragarriak" izan direla. Izan ere, Espainiako Selekzioak beste bi domina gehiago besterik ez ditu lortu eta horietako batean kirolariak ez zuen borrokatu behar izan. Orozkoarra, aldiz, hiru aldiz lehiatu zen.

Gauzak horrela, Izaro Blancoren familiak salatu du inork ez dituela lagundu eta gertukoek ordaindu dizkiotela bidaia eta gainerako gastuak kirolariari. "Espero dugu lorpen hauekin CSDak diru-laguntza ematea eta egindako ahalegina aitortzea", azaldu du bere anaiak, Iker Blancok.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa