Calge-Lan enpresak ateak itxi ditu, sei langile kalean utzita

Txabi Alvarado Bañares 2021eko maiatzaren 9a

Orozkoko Bengoetxea auzoan zegoen enpresa. / GoogleMaps

28 langile izatera iritsi zen lantegia bere garai oparoenean, ELA sindikatuak azaldu duenez.

Orozkoko Calge-Lan enpresak ateak itxi zituen iragan apirilaren 30ean, sei langile kalean utzita. ELAk Aiaraldea Hedabideari azaldu dionez, enpresa horrek eskaera jaitsiera nabarmena pairatu zuen, eta ordaindu gabekoen zorra handia zuen.

Sindikatuak nabarmendu du, une honetan fabrikak langile gutxi zituen arren, garai batean 28 izatera iritsi zela. "Estruktura metalikoak egiten zituen eta 1999. urtetik zegoen Orozkon".

Gauzak hala, azken urteetan Aiaraldean itxi diren lantegien zerrendara batu da Orozkokoa. Lipmesa, Vicalde, Norten... hainbat dira azken hamarkadan desagertu diren enpresak. Azken albistea Lidl-en Laudioko biltegiarena izan da, urriaren 17an mugituko baitute Langraitz Okara.

Ekonomia Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide