ARGAZKIAK

Zubiaur plazara eraman dute protesta Ibarrako egoitzako langileek

Aimar Gutierrez Bidarte 2022ko ots. 1a, 18:21

Bigarren greba eguna dute gaurkoa Orozkoko Madres Mercedarias egoitzako langileek. Herrigunera eraman dute protesta, Artiacheko beharginekin batera.

Bigarren greba eguna dute gaurkoa Orozkoko Madres Mercedarias egoitzako langileek. Enpresa batzordea osatzen duten LAB eta ESK sindikatuek iragan urtarrilaren 28an abiatu zuten bost eguneko greba, Ibarrako zentroko kudeatzaile den Aliados Fundazioak ezarritako "murrizketa larriei" aurre egiteko.

Gaurkoan Zubiaur Plazara eraman dute protesta. Bertan, 2021eko azarotik egunero 4 orduko lanuzteak egiten dauden Artiach gaileta fabrikako beharginekin egin dute bat.

Aiaraldea Komunikabidea Ibarrako egoitzako langileekin elkartu zen grebaren lehenengo egunean, mobilizazioen nondik norakoak gertutik ezagutzeko:

Bizkaiko Foru Aldundia

Ibarrako egoitzako grebalariek azpimarratu dute Bizkaiko Foru Aldundiarena dela Aliados Fundazioak eta Madres Mercedarias kongregazio erlijiosoak kudeatzen duten zerbitzuaren ardura. Hain zuzen ere, Sergio Murillo, Foru Aldundiko Ekintza Sozialetako diputatua, identifikatu dute egoeraren erantzule nagusi gisa.

Hori dela eta, ostiralean -otsailak 4- Bizkaiko Foru Aldundiaren Bilboko egoitzaren aurrean egingo dute elkarretaratzea, grebaren hirugarren egunarekin kointzidituz. Egun horretan bertan Ibarrako egoitzaren aurrean elkartuko dira 14:00etatik 16:00etara eta, ondoren, kotxe karabana egingo dute.

Ekonomia Orozko

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide