Mobilizazioa deitu dute Orozkon ostiral honetan, herrian jasotako eraso matxistak salatzeko. 20:00etan Zubiaur plazan izango da elkarretaratzea.
Matxintxu emakume elkarteak Aiaraldea Komunikabideari adierazi dionez, gizonezko bat emakumeak eta neska gazteak jarraitzen ari da, "tonoz kanpoko jarrera eta komentarioak egiten". Jazarpena salatzeko Ertzaintzara jo dute nesken gurasoek, "baina eraso ekintzarik ezean ezin dutela ezer egin esan diete".
Jazarpena salatzeko Ertzaintzara jo dute nesken gurasoek, "baina eraso ekintzarik ezean ezin dutela ezer egin esan diete"
Protestaren bidez, Orozkon inolako erasorik onartuko ez dutela azpimarratu nahi dute. Hori dela eta, deialdiarekin bat egitera animatu dituzte herritarrak, 'Erasorik ez erantzunik gabe' lemapean gauzatuko den mobilizaziora batu daitezen.
Ez da azken asteetan Aiaraldean jazotako mota horretako eraso bakarra. Urtarrilaren amaieran, Urduñan, antzerako indarkeria matxista salatu zuten bi neska gaztek.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
