Gotzon Martin txirrindulariak istripua izan zuen atzo eta lesio ugari pairatu ditu

Gotzon Martin aurtengo Itzulian Laudion. / Aiaraldea.eus

Euskaltel Euskadi Taldeak jakinarazi du ezbeharra izan zuela atzo orozkoarrak, entrenatzen zuen bitartean.

Gotzon Martin txirrindularia behaketan dago, atzo istripua izan ostean. Orozkoko gazteari lesio anitzak diagnostikatu dizkiote, Euskaltel Euskadi taldeak berak azaldu duenez. Hain zuzen, "orno baten haustura, saihets baten haustura, ezkerreko sorbaldaren haustura eta biriketako hematoma" dauzka ezbeharraren ondorioz.

Dena den, bere taldeak adierazi du bere egoera egonkorra dela eta animatuta dagoela.

Apirilaren 4an Gotzon Martinek eskualdeko errepideak zeharkatu zituen Itzulian eta bere taldeko zaleen omenezko zutabea argitaratu zuen egun berean. Izan ere, 2021eko Itzuliaren edizioan sekulako giroa sortu zuten Ermualdeko aldapetan bera animatzeko:

Erlazionatuak

"Ametsa betetzea da Euskaltel taldearekin lehiatzea eta zaleen animoak jasotzea"

Orozko

GOTZON MARTIN (Orozko, 1996) txirrindulariak eskualdeko jarraitzaileen babesa jaso zuen Euskal Herriko Itzulian. Horri eta lasterketari buruz mintz...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide