Musika eta paella artean ospatu dituzte Zaloako jaiak

Erredakzioa 2024ko uztailaren 1a

Beste urte batez ere, jai giro apartean ospatu dira Zaloako jaiak. Ostiraleko txupinazoarekin batera, Mikosis taldeko neska gernikarrek eta Garaje Drama arrigorrigarrek girotu zuten gaua.

Larunbat goizeko meza eta pintxoak alaitzen aritu zen Arboledako Trikitilari taldea. Beste behin ere, paella usain ederra zabaldu zen Zaloako plazan zehar. Bazkalostean, umeentzako tailerrak eta Kalaka jolas tradizionaletan aritu ziren ume, gazte zein helduak.

Arratsaldean, aldiz, garagardo dastaketa egon zen. Gaua girotzen Ez dok Bape taldea hasi zen eta, ostean, Fetitxe taldearen itzulera izan genuen primizian. Beranduegi erromeriak eman zion amaiera kontzertu sortari. Bukatzeko, karaokearekin borobildu genuen gaua. Domeka goizeko pintxo dastaketarekin, bertsolariekin eta porra txapelketarekin agurtu genituen aurtengo jaiak.

Argazkiak eta testua: Zaloako Jai Batzordea

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide