Aurten bai. Bederatzi urte eta gero Korrikak Orozko zeharkatu du gaur goizaldean. Lau edizio ziren euskararen aldeko ibilbide erraldoia herritik pasatzen ez zenetik eta bizilagunek gogoz eta ilusioz egin diote harrera beroa Baranbiotik zetorren jende multzoari.
Perurena familiak izan du lekukoa hartu eta lur orozkoarretan lehenbiziko kilometroa egiteko ohorea eta herriko zein eskualdeko eragile eta talde ugarik eskuz esku eman diote gero elkarri.
Harro erakutsi du Orozkok herri txikia izanagatik ere euskararen aldeko konpromiso handia dutela bertako biztanleek, jendetza batzen joan baita Korrika herrigunean barrena sartu ahala. Zubiaur auzoko kaleak atzean utzi eta Aretarako bidea hartu du gero, dagoeneko abiadura nabarmen azkarragoa hartuta, herritik herrira joatera ausartu diren korrikalari kuadrillarekin batera.
Argazkiak: Aimar Gutierrez Bidarte eta AEK-Korrika.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
