Bizkaiko zezenzaleek egitarau zabala prestatu dute Ivan Fandiñoren omenez. Abuztuaren 19an abiatuko dute Libertad Rodriguez eta Manu de Alba argazkilarien erakusketarekin Buenavistako zezen plazan. Irudiek jasoko dituzte urduñarrak Bilbon egindako zezenketak.
Gainera, bertan erabilitako argietako jantzia egongo da ikusgai. Sarrerekin eskuratutako diruarekin eskultura eraiki nahi dute. Hurrengo egunean, ordea, meza egingo diote 13:00etan.
Abuztuaren 21ean
Ivan Fandiñok abuztuaren 21ean toreatu behar zuen Bilbon, baina bere heriotzak ekidin du. Hala ere, presente egongo da zenbait modutan. Alde batetik, aurtengo kartela aurkeztuko dute -bera agertzen da- eta Agur Jauna joko dute urduñarraren omenez, besteak beste. Plaza ahalik eta gehien betetzeko % 30eko deskontua egingo dute sarreretan.
Cluben omenaldiak
Club Cocheritok Fandiñori buruzko aldizkaria argitaratuko du eta Urduñako toreatzailearen omenezko jardunaldia egingo du abuztuaren 25ean; bideoa proiektatu eta solasaldia egingo dute gero.
Horrez gain, Club Taurinok ohorezko kidea izendatuko du abuztuaren 23an. Aldi berean, Bizkaiko zezenzaleen federazioak Ivan Fandiño saria sortu du toreatzaile ausartena aitortzeko. Tintigorri peñak ere omenaldia egingo dio.
Bizkaiko zezenzaleek hainbat ekitaldi antolatu dute Ivan Fandiño omentzeko, eta euren asmoen artean dago Urduñako toreatzailearen estatua eraikitzea.
Erlazionatuak
![[IRITZIA] Ivan Fandiño; goian bego maisu, goian bego lagun](https://aiaraldea.tok-md.com/argazkiak/QxD/cache/ivan%20fandi%C3%B1o1_tokikom_735x413.jpg)
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide