Urduñako bisitari kopuruak % 18 egin du behera azken hiru urteetan

Aimar Gutierrez Bidarte 2018ko urtarrilaren 11
Deskargatu Info Ahotsak :

Udaberrian zabalduko ditu berriz ateak Urduñako bainuetxeak. / Aiaraldea.eus

Urduñako Udalak Aduana eraikineko bainuetxearen itxierak turismoan eragindako beherakadaren datuak argitaratu ditu.

Duela hiru urte, 2014ko abenduan, itxi zituen ateak Urduñako Aduana eraikineko bainuetxe-hotelak. Itxiera aurreko urtean 7.757 bisitari jaso zituen hiriak, 2015etik aurrera 6.500 bisitari ingurutan mantendu da zifra. Datu horiek eskutan Urduñako Udalak bainuetxearen itxierak turista kopuruan % 18ko beherakada suposatu duela ondorioztatu du.

2002 eta 2012 urteetan bainuetxeak salaketak jaso zituen hainbat erabiltzaile bertako bakteria baten ondorioz ospitaletik pasa ostean. Aduana kudeatzen zuen enpresak 2014ko abenduan itxi zituen eraikinaren ateak. Geroztik, ez du inongo erabilerarik izan bainuetxeak eta guztiz itxita mantendu da hiru urtez.

Udaberria ortzimugan
Irailean hitzarmena sinatu zuen Urduñako Udalak Orduña Gestion H72 S.L. enpresarekin. Gauzak horrela bainuetxe-hotelak udaberrian zabalduko ditu berriro ateak. Aurretik, Udalaren kalkuluen arabera, 800.000 euroko inbertsioa egin beharko du enpresak hiru urteren ostean eraikina berriro atondu eta martxan jartzeko.

Jendartea Urduña
Erlazionatuak
Urduñarrei irekitako gimnasioa izango du Aduanak
Urduñarrei irekitako gimnasioa izango du Aduanak

Erredakzioa 2017 aza 23 Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide