EH Bilduk irabazi ditu udal hauteskundeak Urduñan hirugarren aldiz jarraian, oraingoan 1.112 herritarren babesa eskuratuta. Horri esker 6 zinegotzi izango ditu hurrengo 4 urteetan, azken legealdian izan duen emaitza errepikatuta. Bigarren zerrenda bozkatuena EAJrena izan da (1.033 boto) eta, horri esker, 5 ordezkari izango ditu, orain arteko berdina. Bestetik, PSE-EE (160 boto) hirugarrena izan da, eta PP (62 boto) laugarrena. Azken bi alderdi horiek, ordea, ez dute eserlekurik lortu.
Urduñako udalak 11 zinegotzirentzako eserlekuak ditu guztira, beraz, EH Bilduk gehiengoa lortu du; eta ez du pakturik egin beharko gobernatzeko.
Bilakaerari dagokionez, azpimarratzekoa da EAJk izan duen igoera. 2015eko hauteskundeekin alderatuta, 189 boto gehiago lortu dituzte oraingoan jeltzaleek. EH Bilduk zifra mantendu arren, aurtengo hauteskundeetan lehenengoz alkatetza lortu zuen uneko emaitzetara gerturatu dela nabarmentzekoa da. Duela 8 urte 1.160 boto jaso zituen alderdiak, aurten baino 48 boto gehiago.
Parte hartzea
Urduñan 3.275 herritar zeuden deituta bozkatzera, eta 2.453k erantzun diote deialdiari, aurrekoan baino %3,51 gehiagok. Abstentzioa, beraz, %25,10 izan da Bizkaiko hirian. Espainiako Barne Ministerioak baieztatu duenez, oraingoan 34 bozka zuri zenbatu dira, eta 52 izan dira baliogabeak.
Zinegotzien zerrenda berria
Ondorioz, ondorengo zinegotziek osatuko dute Urduñako Udala:
- Itziar Biguri Ugarte (EH Bildu)
- Juan Jose San Perez (EH Bildu)
- Luis Felix Garcia Sodupe (EH Bildu)
- Sole Lezameta Astrain (EH Bildu)
- David Gutierrez Martiez (EH Bildu)
- Elena Urruela Herran (EH Bildu)
- Iñaki Cuadra Kintana (EAJ)
- Xabier Sobron Gonzalez (EAJ)
- Aurori Ugarte Durana (EAJ)
- Joserra Gonzalez Iglesias (EAJ)
- Jugaitz Yarritu Fuente (EAJ)