aiaraldea.eus

Bost nazioen txapelketa jokatuko dute Urduñako Pitch & Putt zelaian

Erabiltzailearen aurpegia Izar Mendiguren Cosgaya   Kirola  Urduña

Uztailaren 26tik 28ra izango da norgehiagoka. Bost selekzio lehiatuko dira. Sarrera librea izango da ikusi nahi duen ororentzat.

Bost nazioen txapelketa jokatuko dute Urduñako Pitch & Putt zelaian
Urduñako pitch & Putt zelaian izango da txapelketa. / Aiaraldea.eus | Ikusi handiago | Argazki originala

Nazioarteko txapelketa jasoko du Urduñak asteburu honetan. Frantzia, Andorra, Galizia, Katalunia eta Euskadiko selekzioak ariko dira lehiatzen “Bost nazioen txapelketan”. “Asteburuan zehar selekzioak banaka eta binaka jardungo dute aurrez aurre”, zehaztu du Inbarri elkarteak sare sozialetan.

Zelaira egokitzeko entrenamendu saioak egingo dituzte ostiralean, hilaren 26an. “Larunbatean binakako lehia egingo da goizean -bi ronda- eta arratsaldean norbanakoen kategoriako bat. Proba hauen ondotik zehaztuko dira txapeldun eta txapeldunorde izateko aukera izango duten bi selekzioak”. Hala, igande goizean egingo dira bikoteen modalitateko bi itzuli, eta banakakoen kategoriako bietako bat. “Gainontzeko selekzioek hirugarren, laugarren eta bosgarren postuak eskuratzeko jokatu beharko dute. Ondorioz, zelaia torneorako soilik erabili ahalko da, “nahiz eta sarrera librea izango den ikusle gisa hurbildu nahi duen edonororentzat”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa