Bihar hasiko dituzte COVID-19aren aurkako txertaketak nagusien egoitzan

Txabi Alvarado Bañares 2021eko urtarrilaren 13a

Euskal Herriko hainbat tokitan egin dituzte dagoeneko txertaketak. / Goiena

Gela bat egokituko dute horretarako eraikinaren barruan.

Urduñako Udalak jakinarazi du bihar -urtarrilak 14- hasiko direla COVID-19aren aurkako txertoak jartzen hiriko nagusien egoitzan. “Erabiltzaileek zein egun horretan goizeko ordutegia izango duten langileek jasoko dute SARS-CoV-2 koronabirusaren aurkako txertoa lehen aldiz”, azaldu du tokiko erakundeak. Egoitzan lan egiten duten gainontzeko pertsonek ere jasoko dute txertoaren lehen dosia. Galdakaoko Unibertsitate Ospitalera bertaratu beharko dira horretarako, urtarrilaren 21ean eta 28an.

Nagusien egoitzako kideek, bisitariei harrera egiteko erabiltzen den gela egokitu dute, txertoa jartzeko erabiltzeko. “Kanpoaldetik sartu ahal izateko eskailerak prestatu dira, kutsatzeko arriskuak murrizteko helburuarekin”.

Udalak ziurtatu duenez, gaur egun nagusien egoitzan ez dago COVID-19a duen inor. Lau erabiltzaile kutsatu ziren apirilean, baina laurek lortu zuten gaixotasuna gainditzea.

Osasuna Urduña

Erlazionatuak

Urduñako Udalaren oharra, osorik

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide