Sutea egon da Somolsa fabrika abandonatuan

Txabi Alvarado Bañares 2021eko abenduaren 24a
Deskargatu Info Ahotsak :

Oso azkar bideratu dute egoera larrialdi zerbitzuek. / Arabako Foru Aldundia

14:30ak aldera piztu da sua, baina ez da zauriturik egon. Gertatutakoa ikertzen ari da Ertzaintza. 

Sutea piztu da gaur arratsaldean Urduñako Somolsa fabrika abandonatuan, La Rondinako industriagunean. 14:30ak aldera jazo da gertaera, Ertzaintzak Aiaraldea Komunikabideari jakinarazi dionez.

Poliziaren patruila bat, anbulantzia eta Arabako Foru Suhiltzaileak bertaratu dira egoera bideratzera, Urduñako suhiltzaile boluntarioekin batera. 15:00etarako kontrolatua zegoen egoera, eta ez da inolako zauriturik egon. 

Gertatutakoa ikertzen ari da Ertzaintza. Antza, bertan zeuden koltxoi batzuetan piztu da sua. 

17 urte itxita

2004. urtean itxi zituen ateak Somolsa fabrikak. Ordainketak etenda ditu enpresak orduz geroztik, eta 2,4 milioi euroko zorra du pilatuta ogasunarekin. Azaroan ehunka lagun bildu ziren lantegi horretan, 'SOS Aiaraldea' lemapean eskualdearentzako "emergentziazko neurriak" eskatzeko. Bailara berrindustrializatzeko plan bat eskatu zuten, besteak beste. 

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide