Urduñan jazotako bortxaketa bat salatu du Otsemeak Neska* Gazte Taldeak

Jasotako salaketekin dinamika publikoa egiten dute Otsemeak Neska* Gazte Taldeko kideek. / Aiaraldea.eus

'Entzun gaitzatela' tresna baliatu dute Urduñan jasotako bortxaketa bat salatzeko. Erasoen berri emateko galdetegia abian jarri zutenetik zazpi dira salatutako gertakariak.

Aiaraldean jazotako eraso matxista berri baten testigantza zabaldu du Amurrioko Otsemeak Neska* Gazte Taldeak, irailean abian jarritako 'Entzun Gaitzatela' salaketa tresna baliatuta. Urduñan gertatutako bortxaketa da talde feministak salatutako azken erasoa.

Erasotua izan den neskaren lekukotza plazaratu dute sare sozialen bidez bortxaketaren berri emateko:

Zazpi eraso 

Urduñako bortxaketa azken hilabeteetan 'Entzun Gaitzatela' tresnaren bidez jasotako zazpigarren erasoa da. Aitortutako erasoen artean, gainera, beste bortxaketa bat ere dago. Argitara ateratakoak baino gehiago dira, ordea, ezkutuan geratutako erasoak,  Otsemeak taldeko kideek azaldutakoaren arabera: "astero-astero errepikatzen dira horrelako gertakariak. Ezin dugu onartu hauek normalizatzea".

Hain zuzen ere, azken hilabeteetan eskualdean areagotutako eraso guzti horiek modu anonimoan salatzeko tresna sortu zuten Amurrioko neska* gazteek: 'Entzun Gaitzatela'.

Galdetegiak erasoa jasan dutenen testigantzak jaso eta erdigunean jartzea du helburu, erantzun publikoa emateko helburuarekin: "Salaketa egiten duen neska* gaztearen egia da balio duena. Askotan epaitua izateko beldurra dago salaketa bat ez egitearen atzean. Egia hori zalantzan jarriko ez denaren ziurtasuna eman nahi dugu baliabide honekin” azaldu dute Otsemeakeko kideek.

Orain arte aditzera emandako kasuetan, erasoak salatu dituztenak 17 eta 24 urte bitarteko neskak izan dira. Erasotzaileen gehiengoa, ordea, 25 urtetik gorako gizonak izan dira, eta %28,6k 30 urte baino gehiago zuten. Otsemeakek bildutako datuen arabera, kasu guztietan erasotzaile bakarra izan da, kasu batean izan ezik, non bi izan ziren.

Erlazionatuak

Isilpeko biolentziaren bozgorailu

Amurrio

“Entzun gaitzatela!” bozgorailua jarri du Otsemeakek Amurrioko neska* gazteen eskura, azken hilabeteetan herrian jazotako eraso matxist...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide