Umeen eguna ospatu da gaur Otxomaio jaietan. Hiriko bizilagun gazteenei bideratuta egon dira jarduera gehienak. Goizean puzgarrien jolas parkea egon da Foru plazan; eguerdian Batibomba eta buruhandien kalejira; eta haurrentzako herri bazkaria jarraian. DJ Xaibor arduratu da arratsaldea girotzeaz. Dozenaka ume igo dira musika jartzailearen oholtzara.
Jarraipena, ostiralean
Hurrengo egunak atsedena hartzeko baliatu ahalko dituzte urduñarrek, otxomaioek etenaldia izango baitute asteburura arte. Ostiralean hasiko da ospakizunaren bigarren txanpa. Saskibaloi partiduak, kontzertuak eta kuadrillen afaria egongo dira.
Larunbatean, aldiz, egun osoko egitaraua egongo da. Herri bazkaria, bolo txapelketa eta antzerki emanaldia egongo dira, besteak beste. Bulego taldea eta Oihan Vega arduratuko dira gaua girotzeaz.
Igandean amaituko dira aurtengo otxomaioak, Bihotzaren erreketarekin.
Argazkiak: Allende Solaun Boada
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide