Bosgarren aldiz antolatuko du Urduñako Gorobel Parapente taldeak topaketa. "Irailaren 17an zerua parapentez beteko da", nabarmendu dute oharrean. Bi urteko etenaldiaren ondotik berreskuratu dute ekimena, eta Gorobel inguruetan "giro ederraz" gozatzeko deia zabaldu dute. Hain zuzen, Aiara, Urduña eta Villlalba de Losa (Burgos, Espainia) lotuk odituzte hegaldietan, aurreratu dutenez.
"Izugarriak izango dira partaideek beti oparitzen ditzuten aire akrobaziak"
Topaketa antolatzeko Urduñako Udalaren, Tertangako Administrazio Batzarraren eta Villalba de Losako instituzioaren laguntza jaso dute. Babesle andana izango ditu gainera jarduerak, tokiko komertzioez gain, nazioarteko parapente markak batuko baitira; baita Urdu Hegan, iParapente edo Arabafly eskolak ere. "Izugarriak izango dira partaideek beti oparitzen dituzten aire akrobaziak", azpimarratu dute.
Iberiar penintsula osotik hurbilduko dira zaleak. "Ekintzen baitan, Kopa Pikaroren bigarren edizioa egingo dugu; mozorro lehiaketa", adierazi dute. Hala, kontzertu, zozketa eta barbakoarekin hornituko dute egitaraua. Hargatik, webgunean izena emateko eskatu diete parte hartu nahi dutenei.
Eskualdea, parapente ekimen ugariren topaleku
Irailekoa ez da izango Aiaraldean egindako parapente txapelketa edo ekimen bakarra. Bizkaiko parapente txapelketa Orozkon eta Urduñan jokatu zen iaz. Aurten, berriz, Urduñan egin dute lehiaketa, eta jendetza batu zen parte hartzen zein ikusten.