BIDEO ERREPORTAJEA

20 hilotz topatu dituzte dagoeneko Urduñako hilerriko indusketan

Erredakzioa 2022ko abenduaren 7a

Atzo ekin zioten Urduñako hilerrian indusketak egiteari, hiriko presondegian hildako pertsonen gorpuen bila. Hainbat hilotz topatu dituzte dagoeneko, 20 inguru.

Aranzadi zientzia elkarteko kideak ari dira indusketak egiten, baina Urduñako hainbat bizilagun ere batu dira auzolanera. Abenduaren 11ra arte egongo dira lanean. Ondoren, topatutako gorpuak identifikatzeari ekingo diote.

2016an abiatutako indusketen jarraipena da orain egiten ari direna, eta Urduñan azken hamarkadan memoria historikoaren berreskurapenaren alde eginiko prozesuaren barruan kokatzen da. Ildo horretan, urrats garrantzitsua eman zuten udan, Duintasunaren Kolunbarioa inauguratuta. Bizkaian egiten den mota horretako lehen monumentua da Urduñakoa, eta hilerritik metro gutxira dago. Aurreratu dutenez, bertan sartuko dituzte indusketan topatzen dituzten presoen arrastoak.

Jendartea Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide