Kultur sorkuntza Aiaraldean

TeBeOtekak Aste Santua girotzeko eginiko erakusketa bikoitza, bihar arte ikusgai

Txabi Alvarado Bañares 2023ko api. 12a, 07:00

Aste Santuko irudi bilduma jarri dute Alondegian eta 'Urduñako Postalak', aldiz, Rómulo jatetxean.

TeBeOteka ekimeneko kideek euren "hondar alea" jarri nahi izan diote Urduñako Aste Santuari. Bi erakusketa atondu dituzte horretarako. Lehena Alondegian dago ikusgai ostegunera arte, 18:00etatik 20:00etara. Manu.San artista urduñarrarak hiriko Aste Santuko ekitaldietan eginiko argazkiekin osatu dute bilduma.

Bigarren erakusketa, aldiz, TeBeOteka ekimenaren ohiko erakusleihoetako batean atondu dute; Rómulo jatetxean, hain zuzen. Jose Maria Pedrajas 'Torri' artistaren lanak jarri dituzte ikusgai bertan, 'Urduñako Postalak' izenburupean.

Bi erakusketen helburua da Urduñako "historia, tradizioa eta edertasuna" islatzea, "bi gune ezberdinetan". Hala azaldu du TeBeOteka ekimenaren sustatzailea den Iñigo Arrizabalagak. Modu horretan, ekarpena egin nahi izan diote Urduñako Aste Santuari, "hiriko pizgarri turistiko bat" dela ulertuta.

TeBeOteka ekimenak urteak daramatza Urduñako sortzaileen lana bistaratzeko lanetan. Hainbat ekimen egin ditu horretarako, Harorekin eginiko elkartruke kulturala kasu.

Hemen goiko galerian ikusi daitezke bi erakusketetako irudietako batzuk.

Kultura Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide