Ertzaintzaren atzoko operazioa ez zen Laudioko bi tabernetara mugatu. Bi establezimendu horietan egon eta pertsona bat atxilotu ondoren, Urduñara jo zuten poliziek, eta bertako hiriguneko beste taberna batean sartu ziren, goizaldeko ordubatak pasata.
Ertzaintzaren prentsa bulegoan Aiaraldea Komunikabideari jakinarazi dionez, Urduñako esku-hartzea ere kokatzen da "drogen trafiko eta kontsumoaren prebentzioa sustatzeko" egiten ari diren jardueren barruan. Poliziak zehaztu duenez, substantzia sorgorgarriak zituzten tabernan zeuden herritarretako batzuek, eta zigor ekonomikoak ezarriko dizkiete horregatik, hiritarren segurtasunerako legea ('mozal legea' gisa ere ezagutzen dena) ezarrita.
Honekin, 9 dira urtarrilaren 19tik hona Ertzaintzak drogaren aurka Aiaraldean egin dituen esku hartzeak, gutxienez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
